Ne besojmë se, secili biznes duhet ta ketë në listën e prioriteteve ruajtjen e raporteve të mira me klient ekzistues. Shumica e bizneseve janë shumë të zënë në realizimin e qëllimeve te shitjes dhe gjetjen e klientëve të ri, sa harrojnë se ndërtimi i raporteve me blerësit aktual është një faktor kyç në realizimin e qëllimeve afatgjata. Kjo është ndonjëherë më e lehtë, herë të tjera merr më shumë kohë – varësisht nga veprimtaria. Ka kaq shumë mënyra komunikimi, sa injorimi i këtij procesi i jep imazh negativ biznesit.
Nëse do të mund t’i zgjidhnim dy fjalë me të cilat përshkruajmë raportet e mira dhe të gjata biznes-blerës, pa dyshim do të ishin fjalët BESIM dhe KUJDES. Një blerës afatgjatë është dikush që beson në produktin tënd dhe ndien si ai po e përmbushë një nevojë të tij. Duke e ditur këtë, ne shkojmë edhe një hap më tutje. Pyetja e radhës do të ishte: si mund të komunikojmë me blerësin ashtu që të tregojmë se na intereson mënyra si ai ndihet dhe duam të kontribuojmë në lumturinë e tij?
- KOMUNIKO PËRMES PRODUKTEVE
Përgjigja është e thjeshtë por jo gjithmonë e lehtë për t’u realizuar; komunikimi. Pos komunikimit virtual i cili është i domosdoshëm, shumë biznese kanë zgjedhur të shkojnë edhe një hap më tutje: komunikim përmes produkteve. Mendoji kampanjat e fundit të COCA COLA (për shembull) dhe mesazhet që ata i dërgojnë përmes kanaqeve. Janë të personalizuara, të veçanta dhe i përshtaten datave të ndryshme ashtu që të dëshmojnë se po KUJDESEN për klientin… sepse kujdesen vërtetë!
E njëjta mund të bëhet në shumicën e bizneseve. Ne në VIPRINT së fundmi kemi sjellë në treg kutitë për pica full colour të cilat mund të personalizohen me mesazhe të ndryshme, në festa dhe data të tjera të rëndësishme dhe kjo pa kosto shtesë. Këtë produkt special e kemi sjellë në treg sepse besojmë të ndërtimi i raporteve dhe duam të ju ndihmojmë në këtë aspekt. Mendoje sa e veçantë do të ishte pica që ti e shet nëse i shtohet edhe urimi në rastin e 17 Shkurtit, 8 Marsit apo çfarëdo date tjetër që mund të lidhet me biznesin tënd, sidomos nëse kjo bëhet në një kuti me kualitet të lartë dhe me ngjyrë? Pervoja jonë me klient tregon se kjo është një nga format më të fuqishme të ndikimit dhe ndertimit/ruajtjës së raporteve.
Sepse kur komunikojmë ne dëshmojmë se kujdesemi për blerësin dhe është e vetmja mënyrë për ta kthyer një blerës në një vizitor të përhershëm.
- KUJDESU PËR PRODUKTIN
Në një vend të vogël si ky i yni, fjalët qarkullojnë më shpejt se gjithçka tjetër dhe një diskutim negativ mund të ndikoj shumë në rënien e besimit. As forma më e mirë e marketingut nuk mund ta “mbulojë” defektin e produktit. Ne e kuptojmë se shijet dhe preferencat janë të ndryshme dhe jo domosdoshmerisht do të ju pëlqejë të gjithëve. Por është shumë e rëndësishme të përcaktojmë specifikat e grupit për të cilin është i destinuar produkti dhe të mos lëmë shumë hapësire për dëshpërime. Në anën tjetër duhet të jemi të përgatitur se, në momentin që versioni i fundit i produktit ka dalë në treg ne i hapim dyert për të gjitha mendimet dhe kritikat. Mënyra si ju përgjigjemi atyre ndikon gjithashtu në rrënimin ose ruajtën e raportit me një blerës.
- PËRGJIGJU ME ZË NJERËZOR
Një nga mënyrat më të mira për të ndërtuar dhe ruajtur raportet me blerësin është përmes rrjeteve sociale. Kohës së analizës së tregut + prodhimit të produktit, duhet të ja shtojmë patjetër edhe atë të promovimit në kanale digjitale. Kjo jo vetëm për të qenë afër atyre që na duan por edhe për të njohur komentet negative – të cilat gjithsesi janë duke u thëne nga goja në gojë.
Nuk është e lehtë të përballemi me kritika por menaxhimi i tyre në formën e duhur është faktor shumë i rëndësishëm në imazhin e përgjithshëm të biznesit. Kritikat janë forma më e mirë për t’u përmirësua nëse veç zgjedhim t’i shohim si të tilla. Prapa fjalëve të shkruara qëndron dikush që e ka pasur në duar produktin tënd dhe (sipas të gjitha gjasave) ka vendosur të mos e ketë më. Pos tij, ka edhe të tjerë që do të përfshihen në diskutimin online ose do t’i dëgjojnë fjalët e tij në përditshmëri. Ndaj është e domosdoshme të përgjigjemi me zë njerëzor.
-Falëndero për kohën.
– Premto se do e diskutosh me personat përgjegjës këtë çështje.
-Shiko se çka mund të mësosh nga ajo që të është thënë.
Kur e trajtojmë secilën kritikë si mënyrë për t’u përmirësuar, ne jo vetëm që ju qasemi ndryshe kritikave por gjithashtu ka mundësi ta kthejmë një klient të dëshpëruar në një person që e di se ne po mundohemi ta bëjmë më të mirën, e vlerësojmë mendimin e tij dhe do të përpiqemi të përmirësohemi në vazhdim (si rezultat i fjalëve të tij).
Ja ku i keni: 3 mënyra për të filluar këtë proces i cili më shumë se veprim i përkohshëm është pjesë e strategjisë së përgjithshme të biznesit. Komuniko, vendos në treg më të mirën dhe kur kjo nuk është mjaftueshëm e mirë (për ndonjë klient të caktuar) përgjigju në mënyrë njerëzore dhe merre secilën kritikë si mënyrë për t’u përmirësuar.